გაკვეთილის გემა - გულსისხლძარღვთა სისტემა

                                     გაკვეთილის გეგმა

მასწავლებლის სახელი, გვარი, პირადი ნომერი:  ეკატერინა ჯვარშეიშვილი -37001039493

საგანი: ბიოლოგია

სწავლების საფეხური:  საშუალო /         კლასი:  X

მოსწავლეთა რაოდენობა: 31 მოსწავლე

გაკვეთილის  თემა:  გულ-სისხლძარღვთა სისტემა  

გაკვეთილის მიზანი:

1)   მოსწავლე შეძლებს აღწეროს გული და მისი აგებულება ( კედელი, განყოფილებები და სარქველები);

2)   მოსწავლე შეძლებს ისაუბროს გულის მუშაობის ციკლზე  (სისტოლა, დიასტოლა);

3)   მოსწავლე შეძლებს აღწეროს სისხლძარღვები და განასხვავოს ისინი ერთმანეთისაგან;

4)   მოსწავლე შეძლებს სისხლის მიმოქცევის წრეების დასახელებას და მათი დანიშნულების გააზრებას.

ესგ-ს სტანდარტი:  ბიოლ. X.9.მოსწავლეს შეუძლია დაასაბუთოს სატრანსპორტო სისტემის მნიშვნელობა ორგანიზმისათვის. ინდიკატორი:  ბიოლ.X.9.მოსწავლეს შეუძლია დაასაბუთოს სატრანსპორტო სისტემის მნიშვნელობა ორგანიზმისათვის.

შედეგი თვალსაჩინოა, თუ მოსწავლე:

· ახასიათებს სისხლის მიმოქცევის სისტემის 4 ძირითად კომპონენტს (არე - სისხლი,

გამტარი მილები - სისხლძარღვები, ტუმბო - გული, მიმოცვლის უშუალო სეგმენტი -

კაპილარები) და თითოეულის მნიშვნელობას ნივთიერებათა ტრანსპორტის პროცესში;

 ·  შეუძლია აღწეროს სისხლის წითელი უჯრედის მოძრაობას სისხლის

მიმოქცევის სისტემაში (მაგ., ერთი ერითროციტის მოძრაობა აორტიდან მარცხენა

პარკუჭამდე);

N	აქტივობის აღწერა	მეთოდები	კლასის ორგანიზების ფორმა	სასწავლო რესურსები	დრო (წთ)	თითოეული აქტივობის ბოლოს მისაღწევი შედეგი
1	აქტივობა #1 კლასის ორგანიზება. მიზანი-გაკვეთილის სასწავლო მიზნისა და მოლოდინების განსაზღვრა, პოზიტიური განწყობის შექმნა აღწერა: მასწავლებელი ესალმება კლასს და აცნობს გაკვეთილის მიზნებსა და შეფასების რუბრიკას, რომელსაც აკრავს თვალსაჩინო ადგილას)	საუბარი	მთელ კლასსთან	ფორმატის ქაღალდზე დაწერილი გაკვეთილის მიზნები და შეფასების კრიტერიუმები	2 წთ	● მოსწავლეებს ეცოდინებათ გაკვეთილის მიზანი, შეფასების კრიტერიუმები
2	აქტივობა #2 საშინაო დავალების შემოწმება-შეფასება  მიზანი-როგორ გაიგეს მოსწავლეებმა წინა გაკვეთილზე ახსნილი მასალა. აღწერა: მასწავლებელი უსვამს მოსწავლეებს ფრონტალურ კითხვებს.მოსწავლეები პასუხობენ დასმულ შეკითხვებს, თემაზე- ნივთიერებათა ტრანსპორტი ცხოველებში; 1.რა უზრუნველყოფს რთულ, მრავალუჯრედიან  ცხოველურ ორგანიზმებში ნივთიერებათა შორ მანძილზე და სწრაფ ტრანსპორტს? 2. რა კომპონენტებისაგან შედგება სისხლის მიმოქცევის სისტემა? 3. რამდენი ტიპის სისხლის მიმოქცევის სისტემა არსებობს? 4. რას ნიშნავს სისხლის მიმოქცევის ღია სისტემა და რომელი ორგანიზმებისათვის არის ის დამახასიათებელი? 5. .რას ნიშნავს სისხლის მიმოქცევის დახშული სისტემა და რომელი ორგანიზმებისათვის არის ის დამახასიათებელი?  6. რა არის ქსოვილური სითხე? 7. როგორ წარმოიქმნება ლიმფა? 8. რა ქმნის ორგანიზმის შინაგან თხევად გარემოს? 9. რა ფუნქცია აკისრია სისხლს? და როგორი შედგენილობისაა იგი? 10. განვმარტოთ მისი სატრანსპორტო და დამცველობითი ფუნქცია	კითხვა-პასუხი	მთელ კლასსთან	წიგნი საშინაო დავალების რვეულები	8 წთ	● მასწავლებელი შეამოწმებს მოსწავლეთა მიერ მომზადებულ დავალებას და შეაფასებს მათი შესრულების ხარისხს
3	აქტივობა #3  ახალი მასალის გაცნობა მიზანი-  შესასწავლი მასალის გაცნობა. აღწერა: მასწავლებელი მოსწავლეებს უჩვენებს ვიდეოს გულის აგებულებისა და მისი მუშაობის პრინციპების შესახებ და ვიდეოს მსვლელობას განმარტავს დეტალურად	ვიდეოს ჩვენება	მთელ კლასსთან	კომპიუტერი, მონიტორი, პროექტორი https://www.youtube.com/watch?v=_qmNCJxpsr0&t=5s	6 წთ	● მოსწავლეები ეცნობიან ინფორმაციას გულის აგებულების და მისი მუშაობის შესახებ
4	აქტივობა #4  ჯგუფური მუშაობა მიზანი-ტექსტზე მუშაობით საკითხის არსში წვდომა აღწერა: კლასი დაყოფილია 4 ჯგუფად. თითოეულ ჯგუფს ეძლევა დავალება.გაცნობილი მასალისა და მიცემული ტექსტის დახმარებით უნდა შეასრულონ დავალება, უპასუხონ კითხვებს, იმსჯელონ, შეადგინონ სქემები და მოახდინონ თავიანთი ნაშრომის პრეზენტაცია. მასწავლებელი თითოეულ ჯგუფს ურიგებს თაბახის ფურცელზე წინასწარ დაქსეროქსებულ ტექსტს და ბარათებს შეკითხვებით (განსხვავებულ კითხვას თითოეული ჯგუფისათვის) I ჯგუფი-აღწერეთ გულიდა მისი აგებულება(კედელი, განყოფილებები და სარქველები)ისაუბრეთ მის დანიშნულებაზე და  წარმოადგინეთ სქემის სახით II ჯგუფი - დაასახელეთ სისხლის მიმოქცევის წრეები , აღწერეთ მისი მოძრაობის მიმართულება, დანიშნულება, სიჩქარე და წარმოადგინეთ სქემის ან ჩანახატის  სახით. III ჯგუფი - სქემის სახით წარმოგვიდგინეთ გულის მუშაობის  ციკლი (სისტოლა, დიასტოლა, სარქველების მდგომარეობა და სისხლის მოძრაობის მიმართულება) IV ჯგუფი - აღწერეთ სისხლძარღვები მათი აგებულება და გაგვინმარტეთ რა უზრუნველყოფს სისხლის მიმოქცევის სისტემაში სისხლის ერთი მიმართულებით მოძრაობას?	გონებრივი იერიში	ჯგუფური მუშაობა	ტექსტი, სახელმძღვანელო, თაბახის ფურცლები, ფლიფჩარტი, ფერადი ფანქრები	10 წთ	● მოსწავლეებს შეუძლიათ  ტექსტის და სახელმძღვანელოს დახმარებით მიცემული დავალების შესრულება, კითხვებზე პასუხის გაცემა, სქემის შედგენა, მსჯელობა, ჯგუფებში მუშაობა, თანამშრომლობა
5	აქტივობა #5 ჯგუფის ნამუშევრის პრეზენტაცია. მიზანი- როგორ გაართვეს თავი სამუშაოს, როგორ შეძლეს ახალი მასალის გაგება-გააზრება და ტექსტის გამოყენებით დავალების შესრულება. აღწერა: ჯგუფიდან ერთი მოსწავლე, არჩეული პრეზენტატორი, აკეთებს პრეზენტაციას. ჯგუფების წევრები ყურადღებით ისმენენ ჯგუფების ნამუშევრებს და უსვემენ შეკითხვებს	ვერბალური	ჯგუფური მუშაობა	ფლიფჩარტი	10წთ (2,5 წთ პრეზენ ტაციები, 4 ჯგუ ფი სულ 10 წთ)	●  ჯგუფის მიერ არჩეული პრეზენტატორი აკეთებს ჯგუფის ნამუშევრის პრეზენტაციას
6	აქტივობა #6 მოსწავლეთა შეფასება  მიზანი: შეფასების კრიტერიუმებზე დაყრდნობით მოსწავლეების შეფასება აღწერა:მასწავლებელი აფასებს მოსწავლეებს	ვერბალური	ინდივიდუალური	შეფასების რუბრიკა დანართი 1,2,3 განმავითარებელი შეფასება	2 წთ	● მოსწავლეებს შეუძლიათ კრიტერიუმებზე დაყრდნობით საკუთარი თავის შეფასება,  ურთიერთშეფასება
7	აქტივობა#7  საშინაო დავალების მიცემა. მიზანი: მოსწავლეების მიერ დავალების ჩანიშვნა აღწერა:მასწავლებელი მოსწავლეებს აძლევს  საშინაო დავალებას. გვ.85 &2.4 გულსისხლძარღვთა სისტემა, დასაწერად- კითხვებზე პასუხი	ინსტრუქტაჟი	მთელი კლასი	X კლასის სახელმძღვანელო, კალამი, საშინაო დავალების რვეული	1წთ	● მოსწავლეებს შეუძლიათ საშინაო დავალების ჩანიშვნა
8	აქტივობა #8 გასასვლელი ბილეთების შევსება მიზანი- მოსწავლეებმა შეაფასონ საკუთარი ჩართულობა და გაკვეთილზე მიღებული განწყობა აღწერა: მოსწავლეები ავსებენ გასასვლელ ბილეთებს	ინსტრუქტაჟი	მთელი კლასი	გასასვლელი ბილეთები- დანართი 4	1 წთ	● მოსწავლეებს შეუძლიათ შეაფასონ საკუთარი ჩართულობა და განწყობა

გაკვეთილის ბოლოს მისაღწევი შედეგები:  მოსწავლემ  აღწეროს გული და მისი აგებულება ( კედელი, განყოფილებები და სარქველები); ისაუბროს გულის მუშაობის ციკლზე  (სისტოლა, დიასტოლა); აღწეროს სისხლძარღვები და განასხვავოს ისინი ერთმანეთისაგან; დაასახელოს სისხლის მიმოქცევის წრეები  და გაიაზროს მათი დანიშნულება.

შეფასება--- განმსაზღვრელი (საშინაო დავალება და საკლასო დავალება ) და განმავითარებელი( ურთიერთშეფასება; გასასვლელი ბილეთები, თვითშეფასება.)

ხელმოწერა:

 თარიღი:

დანართი 1

საშინაო დავალების შეფასების რუბრიკა 

ქულები და კრიტერიუმები	ფრიადი 9 – 10	კარგი 7 – 8	საშუალო 4 – 6	სუსტი 1 – 3
გამართული და სწორი მეტყველება	გამართულად მეტყველებს; აქვს მდიდარი ლექსიკა და შემოქმედებითად იყენებს ენობრივ–გამომსახველობით საშუალებებს.	გამართულად მეტყველებს; იყენებს მართებულ სინტაქსურ და გრამატიკულ კონსტრუქციებს.	იცავს მართლმეტყველების ელემენტარულ წესებს; მეტნაკლებად გამართულად საუბრობს.	არ იცავს მართლმეტყველების ელემენტარულ წესებს; უჭირს გამართულად საუბარი.
სათქმელის ნათლად და ლოგიკურად გადმოცემა	სათქმელს გადმოსცემს ნათლად და ლოგიკურად; საკითხს აშუქებს ამომწურავად და თანმიმდევრულად.	სათქმელს გადმოსცემს ნათლად და ლოგიკურად; საკითხს აშუქებს თანმიმდევრულად.	სათქმელს გადმოსცემს გასაგებად.	უჭირს სათქმელის ნათლად და გასაგებად გადმოცემა.
კითხვებზე ადეკვატური პასუხის გაცემა	ადეკვატურად და ამომწურავად პასუხობს კითხვებს.	ადეკვატურად პასუხობს კითხვებს.	პასუხობს კითხვების ნახევარზე მეტს.	ვერ პასუხობს კითხვების ნახევარზე მეტს.

დანართი 2

საკლასო დავალებების შეფასება

კრიტერიუმი	1-4 ქულა	5-6 ქულა	7-8 ქულა	9-10 ქულა
ჩართულობა	არ მონაწილეობს აქტივობებში, ან მონაწილეობს ძალიან იშვიათად.	იშვიათად მონაწილეობს და შეაქვს წვლილი მხოლოდ ზოგიერთ აქტივობაში.	აქტიურად მონაწილეობს და შეაქვს წვლილი აქტივობების უმრავლესობაში.	აქტიურად მონაწილეობს და შეაქვს მნიშვნელოვანი წვლილი ყველა აქტივობაში
თანამშრომლობა	არ თანამშრომლობს ან ძალიან იშვიათად თანატოლებთან  ჯგუფში მუშაობის დროს.	იშვიათად თანამშრომლობს თანატოლებთან ჯგუფში მუშაობის დროს.	ხშირად თანამშრომლობს თანატოლებთან  ჯგუფებში მუშაობის დროს.	ყოველთვის თანამშრომლობს  ჯგუფში მუშაობის დროს.

 

დანართი 3

prezentaciis  Sefasebis sqema

	qulebiQU
saintereso Sesavali (problemis identificireba)	0-1
naSromis warmoCinebis unari	0-2
SemoqmedebiTi unari	0-1
Temis gasagebad warmodgena (logikuri jaWvi)	0-1
saubari (gamarTuloba, tembri)	0-1
TvalsaCinoebis gamoyeneba	0-1
auditoriasTan kontaqti	0-1
informaciis flobis unari (adekvaturi kiTxva_pasuxi)	0-1
drois  limitis dacva	0-1
jami_qulaTa maqsimaluri raodenoba	10

დანართი 4

გასასვლელი ბილეთი

მოსწავლის გვარი და სახელი-------------------------

რა ვიცოდი
რა გავიგე
რა მინდა ვიცოდე
ჩემი განწყობა გაკვეთილის მიმართ (შემოხაზეთ)